Амбасада Віскі ў Беларусі

Легендарны амэрыканскі віскі Jim Beam

Jim Beam Kentucky Straight Bourbon Whiskey – амерыканскі скарб з больш за 200-гадовай гісторыяй. Сваю першую бочку бурбона заснавальнік кампаніі Джэйкаб Бім прадаў у 1795 годзе. Яго сям’я працягнула яго справу, перадаючы нязьменьны з таго часу рэцэпт з пакаленьня ў пакаленьне – да XXI стагоддзя.

Больш за 200 гадоў сям’я Бім вядзе вытворчасьць самога прадаванага бурбона ў сьвеце. У 1788 годзе, калі была ратыфікаваная і ўступіла ў сілу Канстытуцыя Злучаных Штатаў Амэрыкі, Джэйкаб Бім, прадзед легендарнага Джыма Біма, вырашыў ехаць на захад у пошуках лепшай долі для сябе і сваёй сям’і. Ён спакаваў рэчы, прывязаў медны дыстылятар да багажніка сваіх патрыманых калёс і адправіўся ў дарогу. Ён спыніўся ў Кентукі незадоўга да таго, як гэты штат далучыўся да астатніх і стаў 15-м у складзе Злучаных Штатаў у 1792 годзе.

Фэрмэр і млынар Джэйкаб пабудаваў млын на вадзе – тамака ён перамолваў збожжа іншых фэрмэраў – аплату браў гэтым жа збожжам. Лішкі збожжа было цяжка прыладзіць на захоўваньне, аднак яшчэ складаней было везьці іх на рынак на продаж. Дж. Бім ведаў, што найбольш надзейнае і эканамічнае ўжыванне збожжа – гэтае віскі. Віскі не псуецца, яго лёгка транспартаваць, і яно шануецца нават вышэй, чым нестабільная Кантынэнтальная валюта.

Jim Beam White Label (Джым Бим белая этыкетка) – самы прадаваны бурбон у сьвеце. Сапраўдны бурбон, прызнаны за сваю высокую якасьць, характэрны лёгкі кветкавы водар і багаты, з драўнянымі ноткамі, круглявы густ. Jim Beam белая этыкетка набывае свой густ і водар за кошт 4-гадовай вытрымкі ў новых асмаленых бочках з белага дубу. Колер віскі бурштынавы. У букеце відавочна чутныя кветкавыя і фруктовыя ноты. Густ віскі магутны, яркі, з добра выяўленымі драўнянымі тонамі.

Згодна з легендай, асмальваньне бочак адбылося зусім выпадкова. Бондар награваў на адчыненым агні планкі бочкі для таго, каб іх сагнуць, і атрымалася так, што планкі вельмі моцна асмаліліся. Бондар быў чалавекам скупым і вырашыў выкарыстаць і гэтыя «сапсаваныя» бочкі для транспартоўкі віскі. Ён наліў у іх «белага сабаку» і адправіў іх уніз па рацэ Агая ў Новы Арлеан. Калі гэтыя бочкі прыбылі ў пункт прызначэньня, іх адкрылі і выявілі, што «белы сабака» (так звалі гэты віскі) палепшыў густ і набыў насычаны колер.

Jim Beam Black Label (Джым Бим чорная этыкетка) – бурбон клясы прэміюм, вытрыманы напрацягу 8 гадоў у новых дубовых асмаленых бочках. Прызнаны ва ўсім сьвеце за найвышэйшую якасьць, высакародны элегантны характар і дух індывідуальнасці і сілы. Валодае багатым глыбокім густам, які імкнецца затрымацца на языку, і працяглым пасьлясмакам з ноткамі драўнянай карамелі.

Існуюць таксама наступныя гатункі “Джыма”:
- Jim Beam White label (вытрымка 4 гады, 40 % алкаголю па аб’ёме)
- Jim Beam White label (вытрымка 7 гадоў, 40 % алкаголю па аб’ёме) — адрозніваецца надпісам «Premium Aged 7 Years Old» наверсе этыкеткі.
- Jim Beam Green label (вытрымка 5 гадоў, 40 % алкаголю па аб’ёме)
- Jim Beam Black label (вытрымка 8 гадоў, 43 % алкаголю па аб’ёме)
- Jim Beam Yellow label (вытрымка 4 гады, 40 % алкаголю па аб’ёме)

Акрамя вядомых усяму сьвету Black Label і White Label Jim Beam прадстаўляе збор першаклясных бурбонаў, вырабленых па традыцыйнай тэхналёгіі і якія валодаюць непаўторным букетам, што гэтак шануюцца праўдзівымі знаўцамі амэрыканскага віскі.

Small Batch Collection – гэта эксклюзыўная калекцыя, прызначаная для сапраўдных знатакоў бурбону. Бубоны Small Batch Collection купажыраваны з адборных сьпіртоў, якія захоўваюцца ў бочках на розных паверхах сховішча і з прычыны гэтага валодаюць адмысловымі, не падобнымі адзін да другога, адценьнямі густу. Бурбоны гэтай калекцыі адрозніваюцца асобай вытрымкай і крэпасцю. Калекцыя складаецца з бурбонаў
- Knob Creek,
- Basil Hayden,
- Baker’s,
- Booker’s.

Пра адметнасьці віскі з Small Batch Collection мы яшчэ распавядзем асобна, а пакуль прапануем вашай увазе рэклямную анімацыю віскі Джым Бім. У яе сюжэт акурат пакладзеная даўняя гісторыю гэтага бурбону, які лычыцца небезпадстаўна лічыцца “american native spirit”.